Бүгін Қобда аудандық Оқушылар үйінің жылдық жұмыс жоспарына сәйкес бастауыш сынып оқушыларымен «Құстар – біздің досымыз» тақырыбында тәрбие сағаты өткізілді.
Сабақ барысында оқушылар құстардың табиғаттағы маңызы, олардың адам өміріндегі пайдасы және құстарға қамқорлық жасау жолдары туралы мол мағлұмат алды. Сонымен қатар қызықты сұрақ-жауаптар, жұмбақтар, ойындар ұйымдастырылып, оқушылар белсенділік танытты.
Сабақ соңында оқушылар өз қолдарымен жасаған құстарға арналған әсем ұяшықтарын далаға алып шығып, ағаш бұтақтарына іліп, құстарға деген қамқорлықтары мен сүйіспеншіліктерін көрсетті.
Балалар құстарды қорғау – табиғатты қорғау екенін түсініп, құстар табиғаттың бір бөлшегі екенін дәлелдеді.Осындай тәрбиелік мәні зор шаралар арқылы оқушылардың табиғатқа жанашырлық сезімі қалыптасады.
Табиғатты аялайық, құстарды қорғайық!